Tamakkiisumik aningaasaliissutit

Tamakkiisumik aningaasaliissutit tassaapput tunisassiortut nunaqavissut tunisassiornerminni atortussaminnik pisinerat pigeriikkaminnik tunisinerat ilanngaatigalugu.

 

Titartakkami 5.1-imi takuneqarsinnaavoq aningaasaliissutit ukioq 2006-imit 2015-imut qanoq ineriartorsimanerat. Matumani immikkut maluginiagassaavoq uuliasiulersinnaanermi aatsitassarsiulersinnaanermilu misissueqqissaarnermi aningaasaliinerit ukiuni kingullerni qaffariarujussuarsimanerat, ingammik 2010-mi 2011-imilu. Taamaasillutik taakkununnga 2011-mi aningaasaliinerit 5.174 mio. kr.-iupput.

 

Titartagaq 5.1. Tamakkiisumik aningaasaliissutit 2006-2015, akit ingerlaavartut

Malugiuk: 2006-2013-imi kisitsisit inaarutaasuupput, 2014-2015-imili kisitsigallarnerullutik.

Najoqqutaq: Naatsorsueqqissaartarfik, http://bank.stat.gl/nrn09